Sagan okkar

Við erum Passion Reykjavík, handverksbakarí með djúpar rætur í ástríðu fyrir gæðum, ferskleika og alvöru handverki. Saga okkar hófst árið 2002 þegar Passion Reykjavík var stofnað, upphaflega með áherslu á konfekt og tertur. Fljótlega fór draumurinn að vaxa og árið 2004 tókum við næsta skref með opnun bakarísvinnslu.

Með aukinni framleiðslu hófum við einnig heildsölu til kaffihúsa, veitingastaða og annarra bakaría, sem hefur verið mikilvægur hluti af starfseminni okkar allar götur síðan. Árið 2006 opnum við verslun okkar í Álfheimum 6, sem hefur verið starfræk í nærri tvo áratugi. Í dag erum við einnig með útibú í Fjarðarkaupum í Hafnarfirði og framleiðum vörur fyrir fjölda fyrirtækja í gegnum heildsölu.

Vöruframboð okkar er fjölbreytt og lifandi, með yfir 70 vöruliðum. Þar má finna allt frá hefðbundnu brauðmeti og súrdeigsbrauði yfir í sætabrauð, tertur, pakkakökur, marsípanstykki, gæðakaffi og vegan vörur. Við sérhæfum okkur einnig í heildsölu framleiðslu fyrir önnur matvælafyrirtæki.

Við trúum því að handverkið sé lykillinn að stöðugleika. Með því að forðast fjöldaframleiðslu og frystivörur höldum við góðri yfirsýn yfir allt ferlið og tryggjum að hver vara standist okkar ströngu gæðakröfur.

Til að halda sköpuninni á flugi bjóðum við reglulega upp á pop-up vörur, þar sem við brjótum upp hversdagsleikann í vöruframboði. Þá leggjum við einnig metnað í sérvörur í tengslum við hátíðisdaga á borð við bóndadag, konudag, jólin, bolludag og svo meira sé nefnt.